«МУСУЛМАНДАР БЮРОСУ (1919-20)» барагынын кодун көрүү

<p><strong data-text-type="type_1_article_title">МУСУЛМАНДАР БЮРОСУ (1919-20) - </strong>Түркстан крайындагы мусулмандардын мүдөөсүн коргоо үчүн уюшулган крайлык <abbr data-short="к-т" data-full="комитет" data-extended="true">комитет</abbr>тин атайын бөлүмү (Краймусбюро). Иш жүзүндө <em>Түркстан АССРинде</em> болыпевиктердин бийлигин чыңоо үчүн түзүлгөн. Анткени <em>Кокон автономиясынын </em>(ноябрь, 1917 - февраль, 1918) түзүлүшү <abbr data-short="ж-а" data-full="жана" data-extended="true">жана</abbr> кулашы мусулман крайында алардын кадыры абдан алсыз экенин көрсөткөн. 1919-ж. 6-апрелде Түркстан КП Крайкому «Мусулмандар бюросу жөнүндө жобону» бекитип, 7-июлда «Мусулмандардын коммунисттик секциясы жөнүндө жобону» иштеп чыккан. Төрагасы болуп Т. <em>Рыскулов,</em> мүчөлүгүнө Ю. Алиев, Ю. Ибрагимов, А. Мухитдинов, Н. Хожаевдер шайланган. М. б. крайдагы өзгөчө абалды эске алуу <abbr data-short="м-н" data-full="менен" data-extended="true">менен</abbr> <abbr data-short="жерг." data-full="жергиликтүү" data-extended="true">жергиликтүү</abbr> элди партияга тартуу, айыл-кыштактарда <abbr data-short="парт." data-full="партиялык" data-extended="true">партиялык</abbr> ячейкаларды ачуу, эл чарба <abbr data-short="ж-а" data-full="жана" data-extended="true">жана</abbr> аскер кадрларын даярдоо сыяктуу иштерди аткарып, өз алдынча «Иштирокиюн» («Коммунист», кийин «Кизил байрок», азыркы «Узбекистон овози») деген гезит чыгарышкан. Бирок М. б. Түркстан компартиясын жападан-жалгыз жетекчи орган катары таануудан баш тартып, крайдагы этностук татаал абалды эске алуу <abbr data-short="м-н" data-full="менен" data-extended="true">менен</abbr> «Түрк республикасы», «Түрк компартиясын» түзүүнү сунуш-кылган. Мындай абалда РСФСР ЭКС БАК тарабынан 1919-ж. 8-октябрда Түрккомиссия (төрагасы Ш. Элиава) түзүлүп, М. б-нун ишмердүүлүгүнө текшерүү жүргүзүлгөн. Анын негизинде Крайлык 5-партконф-янын (январь, 1920) чечими <abbr data-short="м-н" data-full="менен" data-extended="true">менен</abbr> М. б. Түрстан Компартиясына бириктирилген.</p><p>Ад.; <em>Абдуллаев Р. М. и др.</em> Туркестан в начале XX века: К истории истоков национальной независимости. Таш., 2000.	<em>А. Ш. Махаева.</em></p>

[[Category:5-том,_401-500_бб]]