НЕФТЬ-ГАЗ КЕНДЕРИ
НЕФТЬ-ГАЗ КЕНДЕРИ - түзүлүшү боюнча бирибиринен айырмаланган, чөкмө тектердин арасына топтолгон нефть менен газдын чогундусу. Көмүртектүү органикалык заттар борпоң тектердин арасына сиңип, өз алдынча топтолот да, ар кандай өлчөмдөгү, чондуктагы бассейндерди пайда кылат. Газ нефть менен бирге эринди түрдө топтолот. Нефтилүү кабаттардын астынкы же үстүнкү бөлүгүнө жыйналат. Дүйнө жүзүндөгү 28 миң нефть кендеринин 15-20% ин Н.-г. к. түзөт. Ири кендери Кытай, Полыпа, Венгрияда, Түштүк-Батыш Азия өлкөлөрүндө, Түштүк жана Батыш Африкада, Америкада, Каспий деңизинин жээктеринде, Краснодар крайында, Тиман-Печора аймагында, Сахалин ж. а-нда кездешет. 1941- 45-ж. Волга-Урал, 1950-60-ж. Батыш Сибирь ири нефть-газ аймактары белгилүү болгон. Кийинки кездерде ири кендери Батыш Түркмөнстанда, Улуу Британияда, Норвегияда, Данияда ж. б. жерлерде белгилүү болду. Кыргызстандын аймагында Н.-г. к. Баткен, Жалал-Абад, Ош обл-нда кездешет.
Ад.: Гришин Ф. А. Промышленная оңенка месторождений нефти и газа. 2-е изд. М., 1985.