МЕТАМЕРИЯ
МЕТАМЕРИЯ (мета... жана грекче meros - бөлүк, үлүш) - организмдин айрым топторунун денеси бирдей бөлүктөргө - метамерлерге бөлүнүшү. Бир организмдин метамерлеринде кайталанган окшош структуралар гомодинамиялуу деп аталатынча М. ар түрдүү биол. себептерден түрдүү жолдор менен пайда болот. Кээ бир ичеги көңдөйлүүлөрдө колония түзүүдө М. байкалат. Тасма курттардын М-сы эндомите болгондуктан, ар бир муунакта жыныс органдары болуп, көбөйүшүн жогорулатат. Татаал түзүлүштүү көп клеткалуу жаныбарда М-нын пайда болушу организмдин ар түрдүү функцияларынын ургаалдуулугу же кыймыл механизминин жакшыруусу менен байланышта, мисалы, сойлоп же сүзүп жүргөн учурда денени толкун сымал ийүү менен перистальтикалык кыймылы. Дененин бүт узундугу боюнча мителер бири-бирине толугу менен окшош болушу мүмкүн (гомономия) же болбосо аткарган кызматы боюнча ар башка сапатта болот (гетерономия). Органдардын бардык системаларын кучагына алган толук М. сегменттүү деп аталат.