ЛАЦИС

ЛАЦИС Вилис Тенисович [29. 4(12.5). 1904, азыр­кы Рига ш-нын чегиндеги Ринужи кыш. -6.2. 1966, Рига] - латыш жазуучусу, мамл. ишмер, Латыш ССР Эл жазуучусу (1947). Чыгармалары 1921-жылдан жарыялана баштаган. Туңгуч чы­гармалары: «Канатсызкуштар» үчилтиги (1931- 33), «Балыкчынын уулу» (1-2-т., 1933-34), «Жер жана деңиз» (1938) романдары. Кийин ла­тыш элинин социализмге келүү жолун кылдат баяндаган «Бороон» (1945-48; СССР мамл. сыйл., 1949) ж-а «Жаңыжээкке» (1950-51; СССР мамл. сыйл., 1952) романдарын жараткан. Жети Ле­нин,.1-даражадагы Ата Мекендик Согуш орден­дери м-н сыйланган.