ЗЕЛА́НДИЯ

(нидерландча – деңиз өлкөсү) – тарыхый облус, Нидерланддын түштүк-батышындагы провинция. Адм. борбору – Мидделбург шаары 8-кылымдын 1-жарымынан Франк мамлекетинин, 870-жылдан Чыгыш Франк королдугунун курамына кирген. 11–13-кылымдарда Голландия жана Фландрия графтарына таандык.1433–1477-жылдары З. Бургундия герцогдорунун, 1477-жылдан (акыры 1482-жылдары) Габсбургдардын (1556-жылдан испаниялык Габсбургдар) карамагында болгон. 17–18-кылымдарда Нидерланд негизги дан өндүрүүчү аймак, кеме куруунун борбору, Голландия менен катар Нидерланд Ост-Инд компаниясынын ири акционери. 1795-жылдын январынан З. департамент катары Батавия республикасына, андан кийин 1806–1810-жылдары Голландия королдугуна караган. 1810–1814-жылдары З-нын бардык аймагы Франция империясынын курамына кирген. 1815-жылы З-нын континенталдык жана изолярдык бөлүктөрү Нидерланд королдугунун З. провинциясына бириккен. 776