Тармактык Энциклопедия:БЕЛОПОЛЬСКИЙ

Аристарх Аполлонович [1 (13). 1854–16. 5. 1934] – орус астроному. Биринчилерден болуп кометаларды, тутулуу мезгилиндеги Айды, Күн таажысын, Күндүн бетин сүрөткө тарткан. Өзгөрмө жылдыздардын спектрлерин изилдеген. 1895-ж. Сатурндун шакегинин түзүлүшүн изилдөөдө жарык ылдамдыгын өлчөө ыкмасын колдонуп, ал шакек планетаны айланган көп сандаган майда телолордон турарын аныктаган. Орус тилиндеги алгачкы астрофиз. окуу китебинин автору.