ЖУМАНАЗАРОВА Мээрим Рахмадиловна

ЖУМАНАЗАРОВА  Мээрим   Рахмадиловна (9. 11. 1999-ж. т.,  Талас обл., Бакай-Ата р-ну,  Оро айылы)   – спортчу  (эркин күрөш). Кыз-келиндер арасындагы күрөш боюнча эл аралык класстагы спорт чебери. 2014–16-ж.  Кыргызстан Эл аралык университетинин  коллежинде билим алган.  2017-жылдан Кыргыз мамлекеттик дене тарбия ж-а спорт академиясынын  (КМДТА)  студенти. 2014-ж.   Бангкокто өткөн  Азия чемпионатында коло медаль,  2015-ж.  Азия чемпионатында  (Индияда) коло медаль, Грузияда өткөн дүйнө биринчилигинде  коло медаль  (2016),  2017-ж. Азия чемпионатында  (Бангкок)  алтын медалга ээ болгон.  2017-ж. Финляндияда өткөн дүйнө чемпионатында, ошол эле жылы Түркмөнстанда (Ашхабад) өткөн жабык имараттагы Азия оюндарында   (экөөндө тен) коло медалга  жетишкен. 2021-ж. Токиодо өткөн ХХХ11   жайкы олимпиадада     коло медалга,  2022-ж. Азия чемпионатында   (Улан-Батор шаарын да)    күмүш медалга    ээ болгон.