АНТАНАНАРИВУ барагынын баштапкы кодун көрүү

'''АНТАНАНАРИВУ''' (Antananarivo), Т а н а н а р и в е – Мадагаскар Республикасынын борбор шаары <span cat='ж.кыск' oldv='ж-а'>жана</span> аты окшош провинциянын администрация борбору. Калкы 1,3 млн (2019). Бийик платодо (1240–1470 ''м'' бийиктикте), Мадагаскар аралынын борбордук бөлүгүндө үч дөбө жайгашып, бири-бири <span cat='ж.кыск' oldv='м-н'>менен</span> тешкен тоо <span cat='ж.кыск' oldv='ж-а'>жана</span> тепкичтер аркылуу катташат. Жолдор тоому <span cat='ж.кыск' oldv='ж-а'>жана</span> темир жол түйүнү. Ивату эл аралык аэропорту иштейт. 17-кылымдын 1-жарымында негизделген. 19-кылымдын аягына чейин Мадагаскар королдугунун резиденциясы. 1890–1960-жылдарда Мадагаскар Франция ээлигинин администрация борбору болгон. 1960-жылдын июнунан көз карандысыз Малагаси Республикасынын, 1975-жылдын декабрынан Мадагаскар Демократия Республикасынын, 1992-жылдын сентябрынан Мадагаскар Республикасынын борбору. Өнөр жай кварталдары шаардын түндүгүндө, батышында <span cat='ж.кыск' oldv='ж-а'>жана</span> чыгышында жайгашкан, турак жай кварталдары дөбөлөрдүн капталдарында отурукташкан. Антананариву – өлкөнүн экономикалык, администрациялык, финансы <span cat='ж.кыск' oldv='ж-а'>жана</span> соода борбору. Тамак-аш, булгаары, жеңил, жыгаччылык, полиграфиялык өнөр жайлары, автомобиль кураштыруучу завод, курулуш материалдар өндүрүшү иштейт. «Цимбазаза» ботаникалык багы бар. Университет (1961), Илимдер академиясы (1902), улуттук китепкана (1961), архив (1958), тарых (1897), искусство <span cat='ж.кыск' oldv='ж-а'>жана</span> археология музейлери, театрлар иштейт.