АБСОЛЮТТУК КАРА НЕРСЕ

– өзүнө түшкөн ар кандай жыштыктагы электр-магниттик толкундарды толук жутуучу зат. А. к. н-нин жутуу жөндөмдүүлүгүнүн коэфф-и бирге барабар,

анын темп-расына ж-а жуткан толкундун узундугуна көз каранды эмес. Бул түшүнүктү илимге 1859-ж. нем. физиги Г. Р. Кирхгоф киргизген. Ал табиятта кезикпейт ж-а шарттуу түрдө ичи көң-
дөй, жарык өткөрбөгөн, бардык бөлүктөрүнүн темп-расы бирдей ж-а нур кире турган кичинекей тешиги бар сфера А. к. н. катары алынат. Анткени мындай нерсеге тешикчеси аркылуу нур түшкөндө, а. и. нур көп ирет чагылып, нерсеге жутулуп (сиңип) отуруп, белгилүү бир убакыт өткөндөн кийин толук жутулат. Көөнүн нур жутуу жөндөмдүүлүгүнүн коэфф-и бирге жакын болгондуктан аны да жакындатылган мааниде А. к. н. деп кароого болот. Анын нур чыгаруу жөндөмдүүлүгү бирдей эле темп-рада ысытылган башка нерселерге салыштырмалуу жогору.

А. к. н. нур чыгаруу жөндөмдүүлүгү анын кайсы заттан экендигине көз каранды болбостон, анын темп-расы м-н гана аныкталып, Планк нурлануу законуна баш ийет.