АБДРАИМОВ Ишенбай

 Ишенбай (15.3.1914, Чүй обл., Аламүдүн р-ну, Босбөлтөк айылы - 20.3.2000, Бишкек ш.) - инженер, Кырг-ндагы өзүнчө авиазвенонун 1-командири, СССРдин 1-эмг. сиң. инженер-учкучу (№000001). Ленинграддагы Граждандык авиация академиясын бүткөн (1972), Кырг-нда 3 учкучтан авиабөлүкчө, андан кийин ири граждандык авиация башкармалыгын уюштурган (1934-95), Кыргыз граждандык авиациясынын 1-начальниги (1955-75). У-2, СБ, ТБ-3, Як-12, Ан-2, Ли-2, Ил-14, Ил-18 ж. б. самолёт, вертолётторду өз алдынча өздөштүрүп, Улуу Ата Мекендик согуш учурунда 155 жолу согуштук тапшырма м-н учкан. ИКАУнун (Канаданын эл аралык авиакомпаниясы) эларалык алтын медалы, 8 орден, 17 аскердик күжүрмөн медалдар м-н сыйланган. Үч китептин («Под небом Ала-Too», «Полеты продолжаются», «В небе Киргизии») автору.