АБАЛАК

 – ордо оюнунда чүкөлөрдү атуучу, чертүүчү курал. Тоо теке, кулжа мүйүздөрүнөн жалпак, төрт чарчы түрүндө жасалып, болжол м-н уз. 10–12 см, калыңдыгы 2,5–3 см, туурасы 8– 9 см болот. Атканда, черткенде колдон жылмышпас үчүн А-тын кырларынын четтерине каршы-терши, жик-жик сай салынып, быдырланат. А. жасаш үчүн мүйүздү кол араа м-н кесип, отко кактап жумшартат. Аны суутпастан тегиз эки жыгачтын ортосуна салып кысып, зым же кайыш м-н катуу таңып, бир топ күн оор таш м-н бастырып коюлат. А. түспөлүнө келген сомдомо өгөөлөп жонулуп, чүкө атууга эптүү түргө жеткизилет. Үстүн тегиз кылат, бир аз кайкыраак болушу да ыктымал. А-тын бир башы жазы, экинчиси кууш келет. А-тын топ бузар (уратар), орто А., томной деген түрлөрү бар. Орто А. чүкө чертүүгө, жемек кадоого, тоорумак тоорууга ылайык. Томпой А-тын эң илгеркиси, ал ж-дө элдик эпостордо көп айтылат. Кырг-ндын айрым аймактарында ордо оюну азыр да том пой м-н ойнолууда.