БАЗАРБАЕВ Чолпонбек

Чолпонбек (4. 2. 1949, Нарын обл., Кочкор р-ну, Чолпон айылы ‒ 2. 9. 2002, Бишкек ш.) ‒ бийчи, КРдин эл арт. (1979), СССР эл арт. (1982). 1967-ж. М. Күрөӊкөев атн. Кыргыз

мамл. муз.-хореогр. окуу жайын бүткөн. 1967‒68-ж. Москвадагы акад. хореогр. окуу жайында билимин өркүндөткөн. 1966‒90-ж. А. Малдыбаев атн. Кыргыз мамл. акад. опера ж-а балет театрынын бийчиси, 1992-ж. КРдин Маданият министри, 2000-жылдан Кыргыз мамл. акад. опера

ж-а балет театрынын директору болуп иштеген. Б. бийдин техникасын мыкты өздөштүрүп, ар кыл мүнөздөгү образдарды тереӊ ачып берген. Б-дин репертуарындагы «Шопениана», «Жизель», «Аккуу көлү», «Уйкудагы сулуу» классикалык балеттер бий өнөрүн өздөштүрүүнүн эӊ жогорку мектеби болгон. СССР эл арт. Б. Бейшеналиевадан таалим алган. 1970-ж. Польша да «Дон Кихот» балетинен үзүндүнү Б. Бейшеналиева м-н бийлеген. Аткарган ролдору: Альберт (А. Адан, «Жизель»), Зигфрид (П. Чайковский, «Ак куу көлү»), Спартак (А. Хачатурян, «Спартак»), Нурдин (М. Раухвергер, «Чолпон»),

Ч. Базарбаев ‒ Хозе, А. Токомбаева ‒ Кармен. Ж. Бизе ‒ Р. Щедриндин «Кармен-сюита» балети.

Вацлав (Б. Асафьев, «Бахчисарай фонтаны»), Жигит (Ф. Шопен, «Шопениана»), Солор (Л. Минкус, «Баядерка»), Мак бет (Молчанов, «Макбет»), Чолпонбай (Н. Нурымов, «Өлбөстүк») ж. б. АКШ, Кытай, Япония, Франция, Түркия, Швейцария, Дания ж.б. дүйнөнүн көп өлкөлөрүндө гастролдо болгон. Кыргызстан Ленин комсомолу (1977), эл аралык «Мин он» (Япония, 1993) сыйл. лауреаты. Бишкектеги Кыргыз мамл. хореогр. окуу жайына анын ысмы берилген (2004).
Ад.: Уразгильдеев Р. Киргизский балет. Ф., 1983.