АКИМАЛИЕВ Жамин
АКИМАЛИЕВ Жамин (05. 05. 1936‑жылы туулган, Тянь-Шань облусу, Ак‑Талаа району, Үгүт айылы) – агроном, айыл чарба илимдеринин доктору (1981), профессор (1982), Кыргыз ССР ИАнын корреспондент мүчөсү (1979), академик (1993), РАЧИАнын академиги (1992). Кыргыз ССР мамлекеттик сыйлыгынын лауреаты (1967). КРдин айыл чарбасына эмгек сиңирген кызматкери (1993). 1956‑жылы К. И. Скрябин атындагы КАЧИни бүткөн. Кыргызстан дыйканчылык ИИИнин улук илимий кызматкери
(1961-1962), директордун илимий иш боюнча орун басары (1962‑1963), Кант кызылчасы боюнча тажрыйба‑селекция станциянын директору (1963‑1968), Кыргыз ССРинин Айыл чарба министринин биринчи орун басары (1968‑1971), Сокулук райкомунун 1‑секретары (1971‑1979), КАЧИнин ректору (1979‑1986), Кыргызстан дыйканчылык ИИИнин генералдык директору (1987‑1996, 2001‑жылдан). КААнын президенти (1996‑2001). Негизги эмгектери кант кызылчасынын азыктуулугун көтөрүүгө арналган. Ленин, Эмгек Кызыл Туу, Октябрь революциясы, Манас (III даражадагы) ордендери менен сыйланган.
Эмг.: Жогорку түшүм алуунун жолдору. Ф., 1965; Сугат жерлериндеги кант кызылчасы. Ф., 1967; Выращивание сахарной свёклы в Киргизии. Ф., 1971; Система возделивания орошаемой сахарной свёклы в Киргизской ССР. Ф., 1974.