АЙМАК

АЙМАК – жер бетинин өзүнө мүнөздүү табигый, ошондой эле адамдын таасиринен пайда болгон касиеттери жана ресурстары бар белгилүү бир бөлүгү. Айрым чет өлкөлөрдүн административдик-аймактык бирдиги (мисалы, Монголияда, Тувада, Бурятияда, Дагестанда). Башка тилдерде аймак – уруу, урук‑тукум, эл‑журт (фарсы, эвенк, якут), кыштак, маала, коом (азербайжан), айылдын чети (татар, мари), көп (башкырт) деген маанилерди берет.