ИНФРАҮН

ИНФРАҮН (лат. infra – төмөн, астында) – адам кулагына угулбаган төмөнкү жыштыктагы (16 Гцтен аз) серпилгичтүү толкундар. Чоң амплитудалуу И. кулакты оорутат. И. деңиз толкунунун шарпылдашынын ж-а атмосфера чуу­сунун курамына кирет. И. булагы – атмосфера м-н шамалдын турбуленттүүлүгү (баш аламан, куюн түрүндө), чагылган разряды, жарылуу, атылуу, жер алдындагы силкинүү ж. б. түрдүү чөйрөдө начар жутулгандыктан, И. алыска та­райт. Бул касиети алыстагы күчтүү жарылуу, атылуу ж. б. кубулуштар болгон жердин ара­лыгын аныктоого мүмкүндүк берет. И. м-н атм­нын жогорку катмары ж-а деңиз тереңи изил­денет. И. микрофон, гидрофон, геофондордун жардамы м-н кабыл алынат.