ИНСЦЕНИРОВКА

ИНСЦЕНИРО́ВКА – 1) драма түрүндө жазылба­ган адабий чыгарманын сахна үчүн кайрадан иштелген варианты. И-лоону Россияда бирин­чи жолу А. Шаховский баштаган (В. Скоттун ж-а А. Пушкиндин чыгармаларына). 19-к-дын 2-жарымына мүнөздүү романдан өзү каалаган­дай «пьеса бычып алууну» В. Немирович-Дан­ченко четке кагып, МХТнин сахнасына оюнду роман формасында алып чыгууну көздөгөн. 20- к-дын орто ченинде даректүү прозаны И-лоо ке­ңири тараган. Кыргыз жазуучуларынан айрык­ча Ч. Айтматовдун чыгармалары көп И-ланган. И-лоого айрыкча радио уктурууда ж-а теле­көрсөтүүдө көп көңүл бурулат.