ИНДОНЕЗИЯЛЫКТАР
ИНДОНЕЗИЯЛЫКТАР – Индонезиянын негизги калкы. Түш. Чыгыш Азия а-ы, Жаңы Гвинеянын батыш бөлүктөрү, Малайзия, Филиппин, Бруней ж-а Сингапурда да жашашат. Жалпы саны 375 млн киши (2007), көпчүлүгүн явалыктар, сундалыктар, мадурлар, малайялыктар, минангкабау, бугис, бали, банжар, ачех, макассар ж. б. түзөт. И-дын дини – ислам (90%), христиан, буддизм ж-а индуизм. Б. з. ч. 3–2- миң жылдыкта Түш. Чыгыш Азиянын моңгол тилдүү уруулары Индонезия аймагына көчүп келип, жерг. веддоиддик ж-а меланезоиддик уруулар м-н аралашып, И-дын этностук негизин түзгөн. Азыркы И. 19–20-к-да калыптана
баштаган. 1945-ж. көз каранды эмес Индонезия Респ. жарыялангандан кийин улуттук ж-а этностук биригүү процесси күчүнө кирип, жалпы индонезия тили ж-а мад-тынын өнүгүшүнө өбөлгө түзүлгөн. И-дын негизги кесиби – дыйканчылык (күрүч, жүгөрү, маниок, батат, арахис, соя эгишип, экспорт үчүн каучуктуу өсүмдүктөр, пальма майы, бал камыш, чай, кофе, какао, хина дарагы, тамеки, калемпир, сизаль ж. б. өсүмдүктөрдү айдашат), мал чарбачылык, балык уулоочулук. Тамак-ашы негизинен эт, балык, дан азыктары ж-а жашылча-жемиштер. Суусундук катары кофе, чай, кокос жаңгагынан жасалган сок колдонушат.
Ш. Керимова.