АШЕЛЬ ДООРУ

АШЕЛЬ ДООРУ--байыркы палеолиттин экинчи баскычы. Франциядагы Амьен шаарына жакын Сент-Ашель жергесинен табылган байыркы эстеликтин аты менен аталган. Ашель доорунун байыркылыгы мындан 800‒120 миӊ жыл мурдагы мезгилге барабар. Ашель доору эрте, ортонку жана соӊку болуп бөлүнөт. Ал мезгилде архантроптор, палеоантроптор жана алгачкы HOMO SAPIУNSтер жашашкан. Ашель эстеликтери Африкада, Алдынкы жана Түш. Чыгыш Азияда, Батыш Европада кездешет. Ири жаныбарларга аӊчылык кылуу биримдикти жана жакшы куралданууну талап кылган. Таш куралдары ар кандай иштерди аткарууга багытталып жасала баштаган. Турак жайлардын ар кандай чарбалык иштерге багытталган түрлөрүн айырмалоого болот (мисалы, аӊчылык турак жайлар, таш иштетүүчү устаканалар). Ашель адамдары отту колдонушкан. Кыргызстандагы эӊ байыркы эстеликтер (Саламат-Булак, Ак-Өлөӊ, Сел-Үӊкүр) Ашель дооруна таандык.
К. Табалдиев.