АНТРАКНОЗ

АНТРАКНОЗ (гр. antrax – көмүр ж-a nosos - илдет) – дарак, бадал жанa чөп өсүмдүктөрүнүн кебер илдети. Бул илдетке чалдыккан өсүмдүктү каратак басып, бүдүрлүү болот. Антракноз илдетине чал­дыккан үрөн, өсүмдүк калдыгы, топурак, суу курт-кумурска жанa шамал аркылуу таралат. Ал мелүүн климаттуу зонада кезигип, жаан-чачындуу жылы айрыкча көбөйөт. Жаңгак, чай жана цитрус өсүмдүктөрү көп чалдыгып, түшүм төмөндөйт. Ага каршы күрөшүүдө которуштуруп айдоону туура жүргүзүү, өсүмдүктүн таза сортторун эгүү; өсүмдүктүн илдеттүү бутагын жазында кыркып, өрттөө, жайкысын бордос суюктугун же аны алмаштыруучу дарыларды колдонуу керек.