АНКЕР

АНКЕР (нем. аnker, түз мааниси – якорь) — омок – имарат, курулманын жана техниканын конструкциялык бөлүктөрүн бекитүүчү тетик. Курулуш тармагында көбүнчө арматурадан, бурамалардан бетондун тулкусуна орнотулуп атайын калтырылып коюлат да, кийинки жалгаштырыла турган конструкция үчүн бекиткич (омок). Арматурадан жасалганы ширетүү менен, бурама анкер буралмалар аркылуу жалгаштырылат; саатты жүргүзүүчү механизмдин якорго окшогон бөлүгү. Аны саат оңдогуч У. Клемент ойлоп чыгарган (1675). Саат жасоодо саат механизминин бир калыпта жүрүшүн камсыздайт; 3) айрым өлкөлөрдө негизинен шарап, суу ташууда пайдаланылуучу (көлөмү 16-50 л) идиш (челек).