АМАНБАЕВ Алдаберген

АМАНБАЕВ Алдаберген [1927, Талас облусу, Киров (азыркы Кара-Буура) району, Суулу-Маймак айылы – 1975, ошол эле жерде] – малчы, Социалисттик Эмгектин Баатыры (1971). Кыргыз ССРинин эмгек сиңирген

малчысы (1974). Эмгек жолун 1945-жылы Талас облусунун Киров районундагы «Россия» колхозунда колхозчу болуп иштөөдөн баштап, 1947- жылдан өмүрүнүн акырына чейин баш чабан болуп эмгектенген. Мал чарбасын өнүктүрүүдө мыкты ийгиликтерге жетишип, 1970-жылы ар жүз тубар койдон 155тен козу алып, чыгашасыз асыраган, ар койдон 5 кг жүн кыркып алган. 1975-80-жылдары Кыргыз ССР Жогорку Советинин депутаты. Эки Ленин ордени ж. б. ордендер менен сыйланган.