АКСАКАЛ

АКСАКАЛ ‒ 1) салттуу кыргыз коомундагы уруунун же уруктун башкаруучусу; 2) эл арасындагы кадырман, билерман, тажрыйбалуу адам. Аксакал көптү көргөн, көптү билген, иш менен сөзгө канык болгон жана айылдын ички-тышкы мамилелерин жөнгө салып турган. Эл бийлөөдө мамилелер өнүккөн учурда аксакал башкаруу укугунан четтетилип, айылдын кеӊешчиси, калыс киши катары гана болуп калган. Кийинчерээк жалаӊ эле карыялар эмес, мансаптуу, колунда бар кишилер да жашына карабастан аксакал аталып кеткен.