АВЕРРОИЗМ

АВЕРРОИ́ЗМ – 13–16-кылымдардагы батыш-европа философиясындагы араб философу Ибн-Рушд Мухаммед (лит. Аверроэс) негиз салган философиялык-теологиялык багыт. Аверроизмдин өкүлдөрү «тиги дүйнөнүн» бар экендигин танышып, билимди динге, философияны теологияга каршы коюшкан. Материя менен кыймылды эч ким жараткан эмес, алар түбөлүктүү. Ал эми адамдын акылы болсо, чындыкты таанып-билүүгө жөндөмдүү. Аверроизм ислам ортодоксу тарабынан катуу куугунтукка алынган. Анткени, Аверроизм дүйнөнүн пайда болушунун башталыш себеби, биринчи кыймылдаткычы - таза акыл-эс деп тааныган, бирок аны Кудай жараткан эмес, ошондой эле жеке адамдын жаны түбөлүк эмес деп далилдешкен.
Т. Эсенгелдиев.