АБДУКАДЫРОВ Абдурашид

АБДУКАДЫРОВ Абдурашид (1919, Жалал-Абад облусу, Сузак району, Сузак кыштагы – 1978, ошол эле жерде) – айыл чарба өндүрүшүн уюштуруучулардын бири, Социалисттик Эмгектин Баатыры (1966). Эмгек жолун

1935-жылы «Москва» айыл чарба артелинде катардагы колхозчудан баштаган. Улуу Ата Мекендик согуштун катышуучусу. 1946-жылдан колхоздун башкы бухгалтери, 1959-жылдан Сузак районундагы «Москва» колхозунун башкармасынын төрагасы. Ал жетектеген колхоздо пахтадан көп жылдар бою жогорку түшүм алынып, чарбанын экономикасы чыңдалган. Ленин ордени менен сыйланган.