АБДЫКЕРИМОВ Асанбек Абдыкеримович

АБДЫКЕРИМОВ Асанбек (1939-ж. туулган, Ысык-Көл облусу, Түп району, Арал айылы) – зоотехник, айыл чарба илимдеринин доктору (2002), профессор (1989), КУАУнун ардактуу профессору (2008). К. И. Скрябин атындагы КАЧИни бүтүргөн (1965). 1958-жылдан Ак-Суу районунда сүт-товар фермасынын башчысы, институтту бүтүргөндөн кийин да ошол райондо, колхоздо зоотехник-селекционер, башкы зоотехник болуп иштеген. 1966-жылдан КАЧИде аспирант, ассистент, профкомдун төрагасы, профессор, доцент, 1983–93-жылдары факультеттин деканы, 2000–02-жылдары КАУнун окуу башкармалыгынын начальниги, 1976–2009-жылдары кафедра башчысы болгон. Ал үчүнчү даражадагы Манас ордени, Кыргыз ССРинин Жогорку Советинин Ардак грамотасы, Президенттин «Агрардык элита» улуттук сыйлыгы (2007) ж. б. көптөгөн сыйлыктардын ээси. Анын 105төй илимий-методикалык иштери, анын ичинде 3 монографиясы жана бир окуу китеби бар.

Эмг.:Теория и практика разведения яков в Кыргызстане. Бишкек, 2001.