АБДАЛЛАХ ИБН АБД-АР РАШЍД

АБДАЛЛАХ ИБН АБД-АР РАШЍД, Хафиз-и-А б р у (т. ж. белгисиз – 1430, айрым маалыматтар боюнча 1451) – орто азиялык тарыхчы. Гератта төрөлүп, Хамаданда билим алган. Шахрух менен Улугбектин доорунда хан сарайда кызмат өтөп, ошол мезгилде Мавераннахр, Иран ж-a ага коңшулаш элдердин тарыхы, табияты тууралуу бир катар эмгектерди жараткан. Анын 4 томдон турган «Тарыхтар каймагы» («Зубдет ат-тауарих»), ошондой эле Абу Жафар Мухаммед ат-Табари, Рашид ад-Дин, Низам ад-Дин Шаминин эмгектерин пайдаланып жазган «Жыйнак» («Меджмуйе») аттуу эмгектеринде эмир Темирдин тушундагы аймактагы бийлөөчүлөр, кыпчактардын саясий тарыхы ж. б. тарыхый окуялар жөнүндө баалуу маалыматтар берилген.