Тармактык Энциклопедия:ЭЛЕКТРОН-ОПТИКАЛЫК ӨЗГӨРТКҮЧ
17:48, 13 Сентябрь (Аяк оона) 2022 карата MMEE_>KadyrM тарабынан жасалган версия
– объектинин көзгө көрүнбөгөн (инфракызыл, ультракызгылт-көк же рентген нуру) сүрөттөлүшүн көзгө көрүнгөн сүрөттөлүшкө өзгөртүүчү же көрүнгөн сүрөттөлүштүн дааналыгын күчөтүүчү вакуумдуу фотоэлектрондук прибор. Мында оптикалык же рентген сүрөттөлүш фотокатоддун жардамы м-н электрондук сүрөттөлүшкө, ал эми электрондук сүрөттөлүш катод-люминесценциялуу экранда көзгө көрүнгөн сүрөттөлүшкө өзгөртүлөт. Караңгыда байкоо үчүн (объектинин инфракызыл нур м-н жарыктандырууда) оптикалык ж-а микроскопиялык изилдөөлөрдө пайдаланылат.
