Тармактык Энциклопедия:ФОТОГРАФИЯЛЫК БАЙКООЛОР

– фундаменттик астрометриялык байкоонун бир түрү. Ф. б-до көз м-н байкоого караганда начар обьектилер оңой изилденет. Астрографта байкоо жүргүзүү м-н өтө начар көрүнгөн көп сандагы жылдыздар, галактикалар, кичине ж-а чоң планеталар ж.б. асман объектилеринин сүрөттөлүшү алынат. Асмандын айрым областында белгилүү убакта асман объектилеринин өз ара жайгашышы фотографиялык пластинкада белгиленет. Ф. б. астрометрияда салыштырма координаталарды, өздүк кыймылды ж-а асман телолорунун салыштырма параллаксын аныктоодо колдонулат.