Тармактык Энциклопедия:ПЛАНЕТА АРАЛЫК АВТОМАТ СТАНЦИЯЛАРЫ
Jump to navigation
Jump to search
– космос мейкиндигин, Айды, планеталарды космонавтсыз учуп изилдөөчү илимий космос аппараты. Ил.-из-лөрдүн жыйынтыгы станциянын борборуна радио түзүлүштөр, асман телолорунун үстүнкү бетинин көрүнүшү, сыналгы аппаратурасы, о. эле кайтып келүүчү аппарат аркылуу Жерге берилет. Бул станциянын учуу траекториясын жөнгө салуу үчүн астробагыттуу ж-а реактивдүү кыймылдаткыч системалары м-н жабдылат. Борт аппаратурасы энергияны Күн батареясынан ж-а радиоизотоптуу ток булагынан алат. КМШда «Луна», «Венера», «Марс» ж-а «Зонт», АКШда – «Пионер», «Рейнжер», «Маринер» ж.б. станцияларынын сериялары учурулган.
