Тармактык Энциклопедия:КҮН ТАКТАРЫ

– Күндүн фотосферасында байкалуучу күңүрт тактар. Алардын туурасы 200 миң кмге жетип, борбору күңүрт көлөкөдөн ж-а жарым көлөкөдөн турат. 10–20 суткага чейин көрүнүп турат. Тактардын темп-расы фотосферанын темп-расынан 1–2 миң Кге төмөн (б.а. 4500 Кден төмөн) болгондуктан алар күңүрт так түрүндө байкалат. Күн тактарында күчтүү магнит талаасынын болушу мүнөздүү. Күн тактарынын жылдык орточо саны 11 жылда бир өзгөрүп турат.