Тармактык Энциклопедия:ЖАРЫМ КҮН
17:48, 13 Сентябрь (Аяк оона) 2022 карата MMEE_>KadyrM тарабынан жасалган версия
(nооn) – Күндүн качан Түн. жарым шарда так Түш-тө же Түш. жарым шарда так Түн-тө турган моменти, б. а. Күндүн борборунун жогорку кульминация моменти. Бул учурда күн убактысы Т0=12 с. Жердин өз орбитасында бир калыпта эмес кыймылдашы ж-а анын айлануу огунун орбита тегиздигине жантайып турушу Күндүн түз чыгышынын бир калыпта эмес өзгөрүшүнө, б.а. чыныгы күн суткасынын так эместигине алып келет. Ошондуктан орточо күн деген түшүнүк киргизилген. Бул – бир жылда асман экватору б-ча (Күн сыяктуу эклиптика б-ча эмес) бир калыпта батыштан чыгышка карай бир айланып чыгуучу ж-а жазгы күн-түн теңелүү чекитин Күн м-н бир убакта өтүүчү чекит. Орточо жарым күн – орточо күндүн жогорку кульминация моменти.
