Тармактык Энциклопедия:ДҮЙНӨЛҮК СИСТЕМА
Jump to navigation
Jump to search
– Жер, Күн, Ай, планеталар, жылдыздар ж. б. асман телолорунун мейкиндикте жайгашышы ж-а кыймылы ж-дөгү түшүнүк. Байыркы убакта эле Жердин Ааламдагы орду ж-дө түшүнүк пайда болгон. Анда Жер жалпак, анын астында дүйнө бар, үстүндө болсо асман көмкөрүлүп турат деп эсептелген. Байкоолордун маалыматтары көбөйгөн сайын жылдыздуу асман толук сферадай, ал эми Жер шар сымал деген түшүнүк келип чыккан. Андан кийин дүйнөнүн геоборбордук ж-а гелиоборбордук системалары түзүлгөн.
