АНКИЛОСТОМА

АНКИЛОСТОМА (Ancylostoma duodenale) – анкилостоматиддер тукумундагы жумуру курттар, Адамдын он эки эли ичегисинде мителик кылат, ургаачысынын узундугу 8-18 мм, эркегиники - 10 мм. Ооз көңдөйүндө 4 тиши бар. Оозу менен ичегинин былжыр челине бекип, кан менен азыктанат. 4-5 жыл жашайт. Жумурткалары сүйрү, түзсүз жука чел кабык менен капталган. Уруктанган жумурткалар оорулуу адамдын заңы менен жерге түшүп, 30-32°Сде жана нымдуу жерде 1 суткадан кийин андан личинкалар чыгат. Алар заң ж. б. чириген орг.аникалык заттар менен азыктанат. Личинка адам организмине булганган жер-жемиш, жашылчалар, суу аркылуу кирет. Денеге кирген личинкалар веналарга өтүп, жүрөккө барат, андан өпкөгө, кекиртек аркылуу кулкунга барып, шилекей менен жутулуп, он эки эли ичегиге түшүп, анда өсүп жетилет.