АСО

АСО – Япониядагы эӊ ири аракеттеги жанар тоо; Кюсю аралынын борбордук бөлүгүндө жайгашкан. Бийиктиги 1592 м. Ири кальдерасында (25х18 км) ондон ашык жанар тоо конусу бар. Атылуусу стромболи тибине кирет. 553-жылдан атылгандыгы аныкталган. 2004-ж. андан күл жана газ бүркүлүп чыккан. Кальдерасында калктуу пункттар, айыл чарба жерлери бар. Жанар тоонун чегинде Япониядагы эӊ ири ысык булактар бар. Туризм өнүккөн; Асо улуттук паркы уюшулган.