АСАН-ҮСӨН МӨҢГҮСҮ

АСАН-ҮСӨН, Kapa-Cyy мөңгүсү – Түркстан кырка тоосунун түндүк капталындагы өрөөн тибиндеги мөңгү. Каравшин суусунун (Исфара суусунун куймасы) алабынан орун алган. Узундугу 7 км, аянты 6,5 км². Мөңгүнүн башы деңиз деңгээлинен 4800 м, этеги 3040 м бийиктикте жатат. Кар чегинин бийиктиги 3800 м, абляциясынын аянты 5,0 км², анын 3,9 км² морена менен капталган. Куралуу облусу кенен, «тили» кууш. Мөңгүдөн башталган Kapa-Cyy Ак-Сууга кошулуп, Каравшин суусун (Исфаранын оң курамы) түзөт.