АТАЛАЙ Бесим

 Бесим (1882‒1965) ‒ түркиялык тилчи ж-а жазуучу. Пед. окуу жайын бүтүргөн. Конья пед. окуу жайында мугалим, Трабзон, Анкара пед. окуу жайларында директор болуп иштеген. 18 жыл түрк тили коомунун башкы комиссиясынын мүчөсү болгон. Ал о. кылымдардагы түрк жазуу эстеликтерин которуп, басмага даярдаган түрколог катары белгилүү. «Дивани-лугат-ат-түрк» (1939‒43), «Эт тухфетүз-Зе кийе фил ‒ луугатит-түркийени» эстелигин изилдеп, которуп жарыкка чыгарган. Түрк тилинин грамматикасы, синтаксиси өзгөчөлүктөрүн камтыган баалуу эмгектерин: «Түрк тилинин эрежелери» (1931), «Түрк тилиндеги мүчө жана уӊгу боюнча бир тажрыйба» (1942), «Түрк тилинде сөз жасоо жолдору» (1946) ж. б. жазган.