АРКТИКА

АРКТИКА (грекче arktikos – «түндүк» деген мааниде) – Жер шарынын түндүк уюл аймагы. Евразия менен Түндүк Америка (Гренландиянын түштүгү менен Лабрадор жарым аралынан башка) материктеринин түндүк четин, дээрлик Түндүк Муз океанды аралдары менен (Норвег деңизинин чыгышы менен түштүгүнөн башка), ошондой эле Атлантика жанa Тынч океандарынын жакын жаткан бөлүктөрүн камтыйт. Арктиканын түштүк чеги тундра зонасынын түштүк чегине дал келет. Аянты 27 млн км²дей; айрым учурда Арктиканын түштүк чеги катары Түндүк уюл тегереги алынат (анда Арктиканын аянты 21 млн км². Евразиялык Арктиканын кургактык бөлүгү негизинен түзөң, айрым жерлери (айрыкча аралдары) тоолуу. Эң бийик жери Кола жарым аралындагы Хибин тоолору, 1191-ж. Түндүк Американын материктик бөлүгүндө күдүрлүү бөксө тоолор (бийиктиги 400–700 м) көп аянтты ээлейт. Эң бийик тоолор Гренландиянын чыгышында (Арктиканын эң бийик жери Гунбьёрн чокусу, 3700 м). Түндүк Муз океан шельфтерин четки деңиздер (Баренц, Кара, Лаптевдер, Чыгыш Сибирь, Чукча, Бофорт, Баффин) ээлейт. Мында материктен бөлүнүп калган аралдар (Түндүк Жер, Жаңы Сибирь аралдары, Франц Иосиф Жери, Канадалык Арктика архипелагы) жайгашкан. Океандын терең бөлүгү – Арктика бассейни. Арктиканын табияты жай айларындагы (орточо температурасы 0^°Cгe жакын) төмөнкү радиациялык балансы (жылдык орточо температурасы 0°Сден төмөн), муздардын (аянты 2 млн км²ден ашык), көп жылдык тоңдун, арктика чөлү менен тундранын басымдуулугу менен өзгөчөлөнөт. Деңиз акваториясындагы муздун аянты кышында 11 млн км²дей, жайында 8 млн км²дей. Россиялык арктиканы өздөштүрүүдө Түндүк деңиз жолунун мааниси зор. Деңиз фаунасына балыктын 150 (сом, корюшка, треска сымалдуулар, май канаттар), деңиз сүт эмүүчүлөрүнүн 17 түрү (кит, морж, түлөн) кирет. Аралдарында жанa кургактыкта ак аюу, ак түлкү, түндүк бугусу жашайт. Азыркы эл аралык укукта арктиканы 5

Арктикалык экспедициянын базасы.

секторго бөлүү белгиленген. Ал секторлордун негизин Россия, АКШ (Аляска), Канада, Дания (Гренландия) жанa Hopвегиянын түндүк чек аралары, капталдарын меридиандар, чокусун түн. уюл түзөт. Ap бир сектордо жайгашкан бардык жер ж-a аралдар жакын жаткан мамлекеттердин курамына кирет. (А-нын картасы 500-бетте).
Ад.: Горбацкий Г. В. Северная полярная область.., 1964; ошонуку эле Физико-географическое районирование Арктики. 4.1., 1967.
Ө. Бараталиев.