АНТАРКТИДА ОАЗИСИ

АНТАРКТИДА ОАЗИСИ– Антарктиданын чет жакасындагы муз каптаган бош жерлер. Аянты ондогон км²ден жүздөгөн км²ге (Бангер оазиси, 952 км²⁾ чейин. Айланасындагы аймактардан катаалдыгы азыраак, жерг. климаты, суук чөл ландшафтысы, суунун жыл бою суюк абалда болушу, көлдөрүнүн көптүгү, криоген-структуралуу топурактын жана орг. тиричиликтин болушу менен айырмаланат. Кадимки же шельф жанындагы, тоо аралык жана тоолуу оазистерге бөлүнөт. А. о-нде уюлдук станциялардын көбү жайгашкан. Чөл оазистерине окшоштуктары б-ча (аларды айланасындагы жерлерге караганда жашоого ыңгайлуураак шарттары б-ча бириктирет) «Оазис» терминин Антарктиданын шартына ылайыктап колдонууну 1938-ж. канадалык уюл изилдөөчү А. Стефансон сунуш кылган.