АККАРОЗ

АККАРОЗ, акарапидоз – аарынын кене пайда кылуучу ылаңы. Acarapis Woodi Rennie кенеси пайда кылат. Ургаачы кене аарынын ке­киртегине жумуртка таштап, 3‑4 күндөн кийин андан личинка, 7‑8 күндөн кийин чоң кене пай­да болуп, кекиртеги бүтөлүп, дем алуусу бузу­лат. Ылаң биринен экинчисине жугат. Ал көбүнчө жаз, жай айларында пайда болот. Ылаңдуу аарынын канаты жайылып уча ал­байт. Алар өзүнчө бөлүнүп, карантин коюлат. Фольбек, эфир сульфонат, тедиондун аэрозоль тү­рүндөгү түтүнү, ошондой эле тез буулануучу уулуу суюк­тук (нитробензол, метилсалицилат, этилсали­цилат) менен дарыланат.