АЛЕУТ АРАЛДАРЫ

АЛЕУТ АРАЛДАРЫ ‒ Тынч океандын түндүгүндөгү 110 аралдан жана көптөгөн аскалардан турган архипелаг (АКШ, Аляска штаты). Дого сымал ийилип 1740 кмге созулуп жатат. Аянты 37,8 миӊ км². Түлкүлүү, Андреяновский, Келемиштүү жана Жакынкы аттуу 4 арал тобунан турат. Аралдарынын көбү жанар тоо конусунан туруп, карга чүмкөлгөн. 25тей аракеттеги жанар тоо бар. Эӊ бийиги Шишалдина жанар тоосу (2860 м) Унимак аралында. Субарктика шалбаасы, тоолуу тундра өсүмдүктөрү өсөт. Балык, суу жолборс, түлөн уулоочу жай. Куну чарбасы бар. АКШнын Датч-Харбор аскер-деӊиз базасы (Уналашка аралы). Аскалары ‒ канаттуулар базары. Алеут аралдары алгачкы жолу 18-кылымда орус деӊиз саякатчылары тарабынан изилденген. 1867-ж. чейин Россияга таандык болгон (Аляска менен кошо АКШга сатылып кеткен).