АК-САЙ - Тоң районундагы кыштак.

АК-САЙ ‒ Ысык-Көл облусунун Тоӊ районундагы кыштак. Болот Мамбетов атындагы айыл аймагына караштуу. Балыкчы ‒ Каракол автомобиль жолунун жана Ысык-Көлдүн боюнда, деӊиз деӊгээлинен 1774 м бийиктикте жайгашкан. Райондун борбору Бөкөнбаев кыштагынан 14 км батыш тарапта, Балыкчы темир жол бекетинен 74 км. 1950-жылы отурукташкан. Калкы 1908 (2009); негизинен токой даярдоодо эмгектенет. Орто мектеп, клуб, китепкана, ФАП бар.