АЙСБЕРГ

АЙСБЕРГ (англисче iceberg, голландча Ijsberg; ise, ijs ­муз, berg – too) – океан менен деңиздерде калкып жүргөн же алардын тайыз жеринде токтоп кал­ган муз тоо. Ал материк муздарынын четтери­нен омурулуп бөлүнүшүнөн пайда болот. Кө­лөмүнүн 83–90%и суу астында; суу үстүндөгү бөлүгүнүн орточо бийиктиги 5 мден жогору, Аркти­када 10 м, Антарктидада 100 м. Узуну жанa туурасы бир нече кмге жетет (к. сүрөт). Ири айсбергдер Антарктика, Канадалык

Арктика архипелагдарында жана Гренландияда көп пайда болот. Айсберг деңиз катна­шуусу үчүн опурталдуу (мисалы, 1912‑жылы «Титаник» жана 1959‑жылы «Хедтофт» кемелери айсберг менен болгон кагылышуу). Түндүк Атлантикада айсбергге байкоо жүр­гүзүү боюнча «Муздагы күзөт» кызматы иштейт.