АК-СУУ-I КУМ-ШАГЫЛ КЕНИ

АК-СУУ-I КУМ-ШАГЫЛ КЕНИ Ысык-Көл облусунун Ак-Суу районунда, Каракол шаарынан 4 км түндүк-чыгышта, деӊиз деӊгээлинен 1992‒2010 м бийиктикте. 1984-ж. геологиялык чалгындоо иштери аткарылган. Кен аймагы плиоцен-төмөнкү төртүнчүлүк мезгилинде пайда болгон кум-чопо жана карбонат-чопо толтургучу бар койташ‒шагыл-кум материалынан түзүлгөн. Кум-шагылдын калыӊдыгы 36 мден ашык (250 мге жакын). Гранулометриялык курамы: 500‒70 мм ‒ 29%, 70‒5 мм ‒ 42%, 5 ммден майдасы ‒ 29%. Кум-шагыл «300» маркадагы бетон жана асфальт-бетон даярдоого жарактуу. Запасы В категориясы б-ча 142 миӊ м³, С₁‒310 миӊ м³, В+С₁‒ 452 миӊ м³. 1997-жылга карата баланстагы запасы В ‒ 110 миӊ м³. С₁‒ 310 миӊ м³, В+С₁ ‒ 420 миӊ м³.