АНДЕРСЕН-НЕКСЁ Мартин

АНДЕРСЕН-НЕКСЁ Мартин (26. 6. 1869-жыл, Копенгаген – 1.6. 1954-жыл, Дрезден шаары, Германия) – дания жазуучусу, журналист. Адабий ишин 1893-жылы баштаган. Анын «Жеңишчил Пелле» (1906–1910) романында 1-дүйнөлүк согуш жылдарындагы милитаризмге, шовинизмге каршы күрөш сүрөттөлгөн. Ал эми 2-дүйнөлүк согуш мезгилинде империализмди ашкерелеген «Кызыл Мортен» романын жазган. Ал дания адабиятында реализмдин өнүгүшүнө негиз салган. «Дитте – адам баласы» аттуу романы, аңгемелери, публицистикалык чыгармалары, «Эскермелер» (1932–1939) повести бар. Адабияттагы эмгеги үчүн ага Германиянын өкмөтү Улуттук сыйлыгын берген. Айрым чыгармалары кыргыз тилине («Жанетта» романы, 1974, жана башка) которулган.