АЛМА-БУЛАК МОЛИБДЕН ЖАНА СУРЬМА КЕНИ
18:05, 25 Январь (Үчтүн айы) 2022 карата 228-323>KadyrM тарабынан жасалган версия
Жалал-Абад обл-нун Чаткал р-нунда,
Терек-Сай кыш-нан түш.-чыгыш тарапта, Чаткал кырка тоосунун түш. капталында. Кен 1950-ж. табылып, геол. маалымат берилген. Кен аймагын палеозойдун башталышында пайда болгон слюда-кварцтуу сланец ж-а аны жиреп чыккан аплит сымал плагиогранит тектери түзөт. Булар тектон. жаракалар м-н тилмеленген. Кен негизинен жаракалардын кесилишкен жеринде жайгашкан. Жараканы бойлой гидротермдин таасиринен өзгөрүп, кварцташкан, пириттешкен, чанда серпентиндешкен тилкелер жатат. Жаракалардын кесилишинде молибден кенташ (руда) тарамдарынын калыӊдыгы 0,6‒0,8 м, уз. 15 мге чейин. Негизги минералдары: молибденит, антимонит, галенит, цинк, арсенопирит ж. б. Кенташтар текстурасы б-ча сепкилдүү-чачыранды, брекчия сымал, темгилдүү болуп бөлүнөт.