АЛЛИЛХЛОРИД

, х л о р д у у а л л и л, CH2=CH‒CH2CI ‒ орг. бирикме. Мол. салмагы 76,53, кескин жыттуу, түссүз суюктук, кайноо t 44,96°C, тыгыздыгы 938 кг/м3(20° C). Сууда начар 0,36% (20°C), көпчүлүк орг. эриткичте жакшы эрийт. А. кош байланыш аркылуу кошуп алуу ж-а молекуласындагы хлорду башка атомдордун топтору (OH, NH2, CN ж. б.) м-н орун алмашуу реакцияларына оӊой кирет. Суу, спирт, кумурска к-талары м-н азеотроп аралашмасын пайда кылат. А. пропиленди 500‒550°Cде хлорлоодон алынат: CH2=CH‒CH3+CI2→ CH2=CH‒ ‒CH2CI+HCI. Ал глицерин, дары-дармек, инсектицид ж-а кээ бир пластмасса синтездөөдө колдонулат.