АБАКАН

АБАКАН – Россия Федерациясындагы шаар, Хакас Респ-нын адм. борбору (1991). Минуса ойдуңунун борб. бөлүгүндө жайгашкан. Абакан д. Енисей д-на куйган жердеги кеме турагы. Калкы 176,2 миң (2015). Темир жана автомобиль жолдор тоому. Хакасиянын маданий, ил. борбору. Жеңил (тигүү, трикотаж, бут кийим ф-калары), тамак-аш, курулуш материалдар, жыгаччылык өнөр жайлары, мех.-тажрыйба, болот куюу з-ддору иштейт, Он бир ЖОЖ (филиалдары менен), ун-т, пед. ин-т, үч театр (анын ичинде Хакас улуттук, 1931; Орус театры, 1939), китепканалар, мекен таануу музейи, филармония, дендрарий бар. Оор машина куруу («Абаканвагонмаш», «Абакан ОМЗ») өнүккөн. 1823-ж. Усть-Абакан кыш. 1925–31-ж. Хакасск) катары пайда болгон.