АЛМОНД

АЛМОНД (Almond) Габриэль (12. 1. 1911, Рок-Айленд, Иллинойс штаты ‒ 25. 12. 2002, Пасифик‒Гров, Калифорния штаты) ‒ амер. саясат таануучу, азыркы кездеги саясат илимдерин негиздөөчүлөрдүн бири, Чикаго ун-тинин философия доктору (1938). Амер. саясат илимд. ассоциациясынын президенти (1965‒66), амер. көркөм өнөр жана илимдер академиясынын мүчөсү (1961). А. азыркы саясий системалардын проблемаларын алгачкылардан болуп изилдегендерден. Саясий системалардын өнүгүү деӊгээлин коомдун структуралык дифференцияланышына байланыштырып көрүп, ошонун негизинде саясий системаларды: англ.-амер., континенталдык-европ. адаттагы-салттык жана тоталитардык сыяктуу 4 типке бөлгөн. Ал С. Верба менен бирдикте жарандык саясий мад-т теориясын иштеп чыккан. Анын теориясы б-ча демократиянын турукталышы саясий процесстер менен жарандар туткан багыттарг а байланыштуу. 1968-ж. Станфорд ун-тинде А. саясий өнүгүштүн концепциясын («Станфорт долбоору») изилдөө б-ча жумушчу топту жетектеген. Ал топтун жүргүзгөн иштеринин натыйжасы: структуралык функционализм, социал. мобилизациялоо теориясы, рационалдуу талдоо жана лидерчилик теориясы сыяктуу саясий өнүгүштүн проблемаларын иликтөөнүн 4 негизги ыкмасы болуп калды.

Эмг.: Еhe ciric cultune; political attitudes and democracy in life nations. Princeton, 1963 (with S. Verba). Сравнительная политология сегодня: Мировой обзор. М., 2002.