АК-ТЕРЕК КУМ-ШАГЫЛ КЕНИ

АК-ТЕРЕК КУМ-ШАГЫЛ КЕНИ Ош обл-нун Кара-Суу р-нунда, Ош ш-нан 7 км түш.-батышта, Ош ‒ Ноокат жолунун боюнда, Жапалак кыш-нан 3 км түш. тарапта. 1965‒73-ж. геол. чалгындоо жумуштары жүргүзүлүп, запасы эсептелген. Кен неоген-төртүнчүлүк мезгилдин башталышында пайда болгон борпоӊ кум-шагыл чөгүндүлөрүнөн турат. Кесек фракциялар начар жумуруланган, иргелбеген, жалпак формадагысы арбын (11,5‒14,6%), чопо бөлүкчөлөрү 14%. Кум ири бүртүкчөлүү, кесектик модулу 12%, орг. кошундулар жана слюда жок. Кум-шагылды бетон даярдоого жана жол курулушунда пайдаланса болот. Запасы А+В‒2213 миӊ м³, С₁‒7866 миӊ м³, А+В+С₁‒10079 миӊ м³.