БАГАТЕЛЬ

БАГАТЕЛЬ (фр. bagatelle ‒ майда-чүйдө) ‒ жеӊил аткарылуучу, чакан, көбүнчө фортепьяно үчүн жазылган муз. чыгарма. «Б.» деген түшүнүктү алгач Ф. Куперен киргизген. Кийин Л. Бетховен, А. К. Лядов, А. Дворжак сыяктуу композиторлор тарабынан өркүндөтүлгөн. 20-к-дын композиторлорун пьесалык чыгармалардын циклдериндеги ар бир пьесанын муз. тилинин өз алдынча изденүү мүмкүнчүлүгү кызыктырган. Ф. Бузони, Ф. Пуленк, Б. Барток, А. Веберн кылдуу аспаптар квартети үчүн Б. жазышкан.